خلطه لحب الشباب

خلطة لـ حب الشباب وتنقية البشرة
(اسمها خلطة قشر الرمان)

جلبت لكم خلطة مجربة
تنقي البشرة وتزيل البقع حقت حب الشباب وتزيل الرؤؤس السودا..
في وحدة قالت انها3 مرات بس من اول مرة لاحظت الفرق
وجهها صار مرة صافي ..

وحبيت انقلها لكم عشان تستفيدوا منها

..
المقادير..

1- اول شي تجيبوا قشر رمان مجفف من عند العطار او انتو تقشروا قشر الرمان وتجففوا ، وبعدين تطحنوا

2- تجيبوا بيكربونات الصودا حق الاكل من السوبر ماركت او من البقاله اذا كان عندوا..واسموا(فوستر كلاركس)

3- ماء ورد

طريقة العمل..
تاخدوا ملعقتين صغيرة من قشر الرمان وتحطوها في فنجان صغير وتحطوعليها بيكربونات الصودا وتحطوا عليها شويا موية ورد
وتخلطوها مع بعض ..
بس انتبهوا الخلطة لاتكون مرة خفيفة ..لازم يكون فيها شويه تقل
عشان انتو راح تحطوها قناع على وجهكم
وخلي القناع على وجهك الين ماينشف .. يعني زي نص ساعه او اكتر.. بس وبعدين غسلي وجهك
وراح تلاحظي الفرق من اول مرة

ملاحظة
اللي يزيد من الخلطة .. غطيها بكيس صغير وحطيه في التلاجة
واستخدمية اليوم الثاني

ان شاء الله تستفيدوا